Kolbrún

Ég vel hugrekki framyfir það sem er einfalt og þægilegt

Hver er ég?

Ég hef alltaf verið forvitin og þótt gaman að skoða og læra nýja hluti. Minn styrkleiki liggur í lærdómsferlinu, að læra, öðlast nýja þekkingu og innleiða þann lærdóm inn í mitt líf. Ég vel hugrekki framyfir það sem er einfalt og þægilegt og gef mér leyfi til að vera ófullkomin og gera mistök. Því fleiri mistök sem ég geri því meiri lærdómur á sér stað. Ég hef valið að líta á mistök sem lærdóm en ekki eitthvað sem fór úrskeiðis.

Ástríða mín liggur í því að vinna með fólki og fyrirtækjum í að ná auknum árangri með stöðugum umbótum með það að markmiði að gera gott betra. Ég er metnaðarfull og er stöðugt að auka við þekkingu mína og lít á lífið sem lærdómsferli.

Ég hef gaman að því að skrifa og þessa stundina hef ég verið að skrifa greinar sem snúa að leiðtogahæfni, markþjálfun, persónulegum vexti og mannauðsmálum. Ég hef fengið birtar greinar í viðskiptablaðinu og mannlíf en ásamt því skrifa ég bæði greinar og pistla á linkedIn.

Mín helstu verkefni eru markþjálfun og mannauðsráðgjöf, kennari í markþjálfanámi hjá Profectus og mannauðsráðgjafi hjá Hafnarfjarðarbæ. Þar áður starfaði ég hjá Bláa Lóninu sem fræðslustjóri, markþjálfi, veitti stuðning og ráðgjöf í mannauðsmálum og var í ráðningum. Ég hef verið með Podcast þátt í samstarfi við Kristínu Snorradóttir sem heitir "taktu niður grímuna" þar sem við förum yfir farveg okkar í sjálfsrækt og sjálfsvinnu.

Mentun og þekking

" Ég næ varla að setja orð á það hversu innilega ég mæli með þessari eðal konu. Þvílík og önnur eins fagkona er erfitt að finna. Hún studdi mig í gegnum erfiðan kafla en á sama tíma hélt mér við efnið. Hugarfarsbreyting, von, trú, tæki og tól er allt eitthvað sem ég fékk með í fararnesti. Ástar þakkir fyrir mig"

Arna Björk Unnsteinsdóttir

Frumkvöðull

" Ég mæli eindregið með markþjálfun hjá Kolbrúnu! Hún hefur einstakan hæfileika til þess að hjálpa manni að greina eigin styrkleika. Hún hefur aðstoðað mig við að skilgreina markmiðin mín og öðlast yfirsýn yfir flókin verkefni. Kolbrún er afar hvetjandi og eftir hvern tíma hef ég farið full eldmóðs og með trú á verkefnin mín og eigin getu til að klára þau og njóta þeirra. Svo er hún líka bara svo einstaklega skemmtileg og gott að verja tíma með henni."

Anna M. Bjarnadóttir

Rithöfundur og formaður BRCA

Freelance

" Ég fékk þann heiður á að vinna með Kolbrúnu á meðan ég vann sem móttökustjóri hjá Bláa lóninu. Ég var ungur leiðtogi á þeim tíma og Kolbrún reyndist mér eins og sannur leiðbeinandi þegar það kom að leiðtogahæfni og framkomu. Kolbrún er áreiðanleg og ótrúlega fær í því sem hún gerir. Kolbrún er framúrskarandi starfsmaður og enþá betri vinnufélagi. "

Kristjana D. Jónsdóttir

Grafískur hönnuð

No Zebra

" Fólk er heppið á fá tíma hjá Kollu, eintök nærvera og sýnir og leiðir mann í ótrúlega opnun á nýrri hugsun og trú á þeim verkefnum sem maður stendur uppi með. Mæli 100% með henni. Takk Kolbrún fyrir mig. "

Friðþór Vestman Ingason

Þroskaþjálfi / Deildastjóri

Reykjavíkurborg

" Ég er búin að fara í persónulega stefnumótun hjá Kolbrúnu og mæli hiklaust með henni sem markþjálfa. Ég sjálf mun halda áfram að eiga fundi með henni til að halda mér við efnið og skoða hluti dýpra. Það var mjög skemmtilegt ferðalag þó svo að ég hef skoðað sjálfa mig oft áður og sett niður hver mín hæfni, gildi og persónuleiki er þá er alltaf svo gott að fá innsýn frá öðrum og kafa enn dýpra í gildin og ástríðuna sína. "

Aðalheiður Ósk

Framkvæmdastjóri

Vök Bath

Hvernig get ég orðið að liði?

Ef þú vilt ná auknum árangri persónulega eða með þitt fyrirtæki þá gæti ég verið rétta manneskjan til að vinna með


Markþjálfun

Vertu besta útgáfan af sjálfum þér!

Góður árangur er ekki heppni eða tilviljun, heldur næst hann með þrautseigju, vinnusemi, sjálfsaga, úthaldi og yfirvegun til að takast á við nýjar áskoranir og hindranir með réttu viðhorfi.

Markþjálfi styður þig í að ná auknum árangri og meiri skilvirkni, breyta draumum og væntingum í skýr markmið og móta aðgerir til að ná þeim.

Hjá markþjálfa vinnur þú að að því að efla styrk þinn og úthald persónulega og faglega, sjá lausnir og tækifæri í stað vandamála, skerpa fókusinn, byggja upp góða rútínu og brjótast út úr gömlum vana.

Að hafa markþjálfa svipar til þess að vera með einkaþjálfara í ræktinni, Þar sem einkaþjálfi vinnur með þér í að ná líkamlegum styrk sem þú sækist eftir og þú færð líklega í kaupbæti aukið sjálfstraust og meiri orku til að takast á við daglegt líf.


Mannauðsráðgjöf

Hvort sem þú ert með mannauðsstjóra eða ekki þá getur mannauðsstjóri að láni komið sér vel. Við komum inn og tökum hitan og þungan með þér svo þú getur einbeitt þér að þínum mikilvægustu verkefnum og styðjum við stjórnendur í mannauðstengdum verkefnum, þannig náum við fram því besta hjá hverjum og einum og hámörkum afköst og framleiðni.


NBI greiningar

Að taka betri ákvarðanir um vinnu og starfsferil, velja rétta fagið eða námsleiðina getur með tímanum leitt til uppbyggilegra og meira gefandi einkalífs og ánægju í starfi.NBI mun ekki uppfæra þig til „betri gerðar“, heldur veitir þér leiðbeiningar til að skilja sjálfa/n þig betur og hjálpa þér að vinna á styrkleikum þínum í stað veikleikum.


Ég er alltaf til í kaffispjall!

Ef þú hefur einhverjar spurningar eða langar að vita meira um mig og mína þjónustu, ekki hika við að senda mér línu og við finnum tíma til að hittast yfir rjúkandi kaffibolla og taka gott spjall þér að kostnaðarlaus og án skuldbindinga.

Findu mig á samfélagsmiðlum!